User Profile

Нарадзілася ў Дуброўне, расла ў Менску, жыву ў Вільні. Пра першае часта згадваю, але даўно не была, бо баюся: як ездзіла апошні раз, ужо дарослай, расчараваная была страшэнна. Другое ніколі не любіла, таму пакінула б зусім лёгка, калі б не родныя. А трэцяе... Прыехаўшы першы раз у Вільню (я тады яшчэ ў Менску жыла), зразумела, што ніколі і не магла любіць Менск, бо заўсёды, яшчэ да сустрэчы, любіла Вільню. А я ж адналюбка...
Вельмі люблю падарожнічаць, асабліва за межы Літвы, бо гэта дае магчымасць вяртацца ў Вільню. Тут мой дом. Сям'я. Муж і сын. Без іх я - нішто. Яны - сэнс майго існавання. Кіты, на якіх трымаецца сусвет. Мой сусвет.
Праўда, кітоў павінна быць тры. Каб трымалі надзейна. Трэці з'явіўся адносна нядаўна і, я б сказала, выпадкова. Дакладней, трэцяя. Журналістыка. Чамусьці ўсё самае сур'ёзнае і важнае ў маім жыцці адбываецца выпадкова.